ਨੈਣੋਂ ਕਿਰਿਆ ਹੰਝੂ ਮੇਰੇ

ਨੈਣੋਂ ਕਿਰਿਆ ਹੰਝੂ ਮੇਰੇ, ਬੇਦਰਦੀ ਨੇ ਫ਼ੜਿਆ ਈ ਨਹੀਂ...
ਲਿਖੀਆ ਸੀ ਵਿੱਚ ਵਫ਼ਾਵਾ, ਬੇਦਰਦੀ ਨੇ ਪੜਿਆ ਈ ਨਹੀਂ...
ਡੁੱਬ ਗਿਆ ਮੈਂ ਇਸ਼ਕ ਸਮੁੰਦਰ ਵਿੱਚ,
ਹੱਥ ਮੇਰਾ ਉਸਨੇ ਫੜਿਆ ਈ ਨਹੀ..
ਖਾਦੀਆ ਸੀ ਕਸਮਾ ਮੇਰੇ ਨਾਲ ਜੀਣ ਮਰਨ ਦੀਆ,
ਮੁੜ ਜਿੰਦਗੀ ਦਾ ਇਕ ਵੀ ਲਮਹਾ ਮੇਰੇ ਨਾਮ ਕਰਿਆ ਈ ਨਹੀ...
ਸੋਚਦਾ ਰਿਹਾ ਆਵੇਗੀ ਮੁੜ ਓਹ,
ਪਰ ਮੇਰੇ ਤੋ ਦੂਰ ਜਾਂਦੀ ਦਾ ਕਦਮ ਕੋਈ ਖੜਿਆ ਈ ਨਹੀ..
ਜੁਦਾ ਹੋਕੇ ਉਸਤੋ ਜੀਣਾ ਮੁਸ਼ਕਿਲ ਹੈ,
ਕਮਬਖਤ ਮੈ ਵੀ ਪਤਾ ਨਹੀ ਕਿਉ ਹਾਲੇ ਤੀਕ ਸੜਿਆ ਨਹੀ..ਹਰਜੋਧ

ਮਾਫ਼ ਕਰੋ ਮੈਨੂੰ ਚਾਨਣ ਦੇ ਵਰਸੋ...

ਮਾਫ਼ ਕਰੋ ਮੈਨੂੰ ਚਾਨਣ ਦੇ ਵਰਸੋ
ਮੈ ਦੀਵਾ ਬਲਣ ਲੱਗਿਆ ਇਹ ਨਹੀ ਸੋਚਦਾ
ਅੱਜ ਦਿਵਾਲੀ ਏ ਜਾ ਬੰਦੀ ਛੋੜ ਦਿਵਸ...
ਮੇਰਾ ਕੰਮ ਹੈ
ਰੋਸ਼ਨ ਕਰਨਾ
ਘਰ ਨੂੰ ਸੰਸਾਰ ਨੂੰ

ਪਰ ਸ਼ਰਮ ਆਉਦੀ ਹੈ ਮੈਨੂੰ
ਤੁਹਡੀਆ ਕੰਧਾ ਤੇ ਬਲਣ ਲੱਗਿਆ
ਫ਼ਟਕਾਰਦਾ ਹਾ ਮੈ ਆਪਨੀ ਹੀ ਕਿਸਮਤ ਨੂੰ

ਖੁਦ ਨੂੰ ਕਹਿੰਦੇ ਹੋ
ਤੁਸੀ ਚਾਨਣ ਦੇ ਵਾਰਿਸ
ਡਰਦਾ ਹਾ ਮੈ ਕਿਤੇ
ਤੁਹਾਡੇ ਅੰਦਰ ਦਾ ਹਨੇਰਾ
ਮੇਰੀ ਰੋਸ਼ਨੀ ਨੂੰ ਹੀ ਨਾ ਖਾ ਜਾਵੇ...... ਹਰਜੋਧ

ਕਿਸ ਤਰਾ ਜਲਾਉਦੇ ਹੋਣਗੇ

ਕਿਸ ਤਰਾ ਜਲਾਉਦੇ ਹੋਣਗੇ ਉਹ ਆਪਨੇ ਘਰ ਵਿੱਚ ਦੀਪ
ਜੋ ਸ਼ੜਕਾਂ ਤੇ ਜਿੰਦਾ ਇਨਸਾਨ ਜਲਾਉਦੇ ਨੇ.....
ਕਦੇ ਉਹਨਾ ਦੀ ਰੂਹ ਨੂੰ ਸੇਕ ਨਹੀ ਲੱਗਿਆ
ਜੋ ਕਈ ਘਰਾਂ ਦੇ ਦੀਪ ਬੁਝਾਉਦੇ ਨੇ???

ਕਿਸ ਤਰ੍ਹਾ
ਗਲ ਵਿੱਚ ਟਾਇਰ ਪਾ ਕੇ ਜਲਾ ਦਿੱਤਾ ਕਿਸੇ ਦਾ ਪਿਤਾ
ਮਿੱਟੀ ਦਾ ਤੇਲ ਪਾ ਕੇ ਬਾਲ ਦਿੱਤਾ ਕਿਸੇ ਦਾ ਪਤੀ
ਤਲਵਾਰ ਨਾਲ ਚੀਰ ਦਿੱਤਾ ਕਿਸੇ ਦਾ ਭਰਾ ...

ਜਾ ਫ਼ਿਰ ਇਹ ਸਮਝ ਲਿਆ ਜਾਵੇ
ਮਰ ਚੁੱਕੀ ਏ ਉਹਨਾਂ ਦੀ ਰੂਹ
ਵੇਚ ਚੁੱਕੇ ਨੇ ਉਹ ਅਪਣਾ ਜ਼ਮੀਰ,,

ਜਾ ਫ਼ਿਰ ਸਮਝ ਲਿਆ ਜਾਵੇ
ਇਹੀ ਹੈ ਤਰੀਕਾ ਇਹਨਾ ਲੋਕਾ ਦਾ
ਦਿਵਾਲੀ ਮਨਾਉਣ ਦਾ............ ਹਰਜੋਧ