ਗੰਗੋਤਰੀ ਨੂੰ ਰੋਕਣ ਨਾਂ

ਗੰਗੋਤਰੀ ਨੂੰ ਰੋਕਣ ਨਾਂ ;ਗੰਗਾ ਰੋਕਣ ਨੂੰ ਚੱਲਦੇ ਨੇ
ਨਗਰੀ ਮੇਰੀ ਦੇ ਇਹ ਹਾਕਮ ;ਪਏ ਬਾਂਸ ਬ੍ਰੇਲੀਂ ਘੱਲ ਦੇ ਨੇ

ਨਸ਼ਿਆਂ ਦੇ ਛੇਵੇਂ ਜਿਸ ਨਦ ਤੇ ;ਅਕਸਰ ਇਹ ਫਿਕਰੇ ਕੱਸਦੇ ਨੇ ;
ਇਹਨਾਂ ਗਿਰਝਾਂ ਦੇ ਅਹ੍ਲਨਿਓ ;ਉਸ ਨਦ ਦੇ ਸੋਤਰ ਚੱਲਦੇ ਨੇ .

ਹਰ ਮਾਲ , 'ਮਾੱਲ' ਤੋਂ ਚਾਹੁੰਦੇ ਨੇ ;ਇੰਡੀਆ ਵਾਸੀ ਤਾਂ ਚਾਹੁਣ ਪਏ ;
ਉਸ ਮਾਲ ਨੂੰ ਪਏ ਹੜ੍ਪਦੇ ਕਿਓਂ ,ਜਿਸ ਮਾਲ ਤੇ ਭਾਰਤੀ ਪਲਦੇ ਨੇ .

ਰਾਖੀ ਬੈਠਾਇਆ ਇੱਲਾਂ ਨੂੰ ਚਿੜੀ- ਬੋਟਾਂ ਖਾਤਿਰ ,ਖੈਰ ਹੋਵੇ ;
ਸੂਰਜ ਦੀ ਅਨਵੇਖੀ ਕਰ ਕੇ ,ਚਾਨਣ ਨੂੰ ਫੇਰ ਮਚਲਦੇ ਨੇ .

ਕਿਸੇ ਮੰਦਿਰ -ਗਿਰੀਜੇ-ਖ੍ਨ੍ਗਾਹੀਂ -ਗੁਰੂਦੁਆਰ ਚਿਰਾਗ ਦੀ ਲੋੜ ਨਹੀਂ ;
ਚਲੋ , ਬਾਲੀਏ ਦੀਪ ਦਿਮਾਗਾਂ ਦੇ, ਚਿਤ-ਚੇਤਨਾ ਵਿਚ ਜੋ ਬਲਦੇ ਨੇ .

ਦੀਪ੍ਜੀਰਵੀ