ਘਟਾ ਬਰਸੇ ,ਹਵਾ ਰੁਮ੍ਕੇ ,ਹਰਿਕ ਸ਼ੈ ਤੇ ਨਿਖਰ ਆਏ .
ਨਜਰ ਉਠੇ ਜਿਧਰ ਉਸਦੀ ਬਹਾਰ ਆਏ ,ਬਹਾਰ ਆਏ.
ਖਰੇ ਕਿਸ ਰਸਤਿਓਂ ਲੰਘੇ ,ਖਰੇ ਕਿਸ ਰਸਤਿਓਂ ਆਵੇ ;
ਅਸੀਂ ਆਲੇ ਦੁਆਲੇ ਦਾ ਹਰਿਕ ਰਸਤਾ ਸ਼ਿੰਗਾਰ ਆਏ .
ਮੈਂ ਇੱਕ ਆਕਾਸ਼ ਹਾਂ ਆਪਣੇ ਹੀ ਅੰਦਰ ਫੈਲਿਆ ਹੋਇਆ ;
ਕਦੇ ਉਠੇ ਕੁਈ ਬੱਦਲ ਕਦੇ ਕੂੰਜਾ ਦੀ ਡਾਰ ਆਏ .
ਖਰੇ ਕੀ ਕੁਝ ਹੰਡਾਇਆ ਹੈ ਵਫ਼ਾ ਦੇ ਨਾਮ ਤੇ ਉਸਨੇ ;
ਵਫ਼ਾ ਦੇ ਨਾਮ ਤੇ ਉਸ ਨੂੰ ਕਿਵੇਂ ਹੁਣ ਇਅਤ੍ਬਾਰ ਆਏ.
ਮਿਰੇ ਚੇਤੇ ਚ ਮਹਿਕੇਂ ਤੂੰ,ਮਿਰੇ ਸਾਹਾਂ ਚ ਵੱਸ ਜਾਵੇਂ ;
ਮਿਰੇ ਜੀਵਨ ਚ ਨਾ ਆਵੇਂ ਕਿਵੇਂ ਦਿਲ ਨੂੰ ਕਰਾਰ ਆਏ .
ਇਹ੍ ਜੀਵਨ ਹੈ ਸਮਾਨਾਂਤਰ ਨਹੀ ਚੱਲਦੀ ਕੁਈ ਰੇਖਾ ;
ਕਦੇ ਪਤਝੜ ਕਦੇ ਵਰਖਾ ਕਦੇ ਮੌਸਮ ਬਹਾਰ ਆਏ .
ਕਲਾ ਦੀ ਜੋਤ ਹੈਂ ਤੂੰ ਬੱਸ ਕਲਾਧਾਰੀ ਦਾ ਹਿੱਸਾ ਹੈਂ ;
ਤਿਰੇ ਦਰ ਤੇ ਕਈ ਨੇਤਾ ਕਈ ਉਮ੍ਮੀਦਵਾਰ ਆਏ.
-ਧੰਨਵਾਦ
ਸ.ਨਸੀਮ {ਆਕਾਸ਼-ਗੰਗਾ ਪੰਨਾ 46 }
ਸ. ਨਸੀਮ ਦੀ ਪੁਸਤਕ ਆਕਾਸ਼ ਗੰਗਾ ਦੇ ਪੰਨਾ 46 ਤੇ ਛਪੀ ਇਸ ਮੋਹਕ ਗਜ਼ਲ ਦਾ ਤੁਸੀਂ ਵੀ ਆਨੰਦ ਮਾਣੋ
No comments:
Post a Comment