ਇਹੇ ਉਲਫਤ ਜਿਵੇਂ ਹਮਦਮ ਦਾ ਨਾਂ ਹੈ .
ਕਿਸੇ ਧੜਕਨ ਕਿਸੇ ਸਰਗਮ ਦਾ ਨਾਂ ਹੈ .
ਘਟਾ ਕਾਲੀ ਬਰ੍ਸਦੀ ਘੋਰ ਜੋਰੀਂ;
ਇਹ ਉਲਫਤ ਐਸੇ ਹੀ ਬਰਸਨ ਦਾ ਨਾਂ ਹੈ .
ਕਿਨਾਰੇ ਖੋਰਦੀ ਅਲ੍ਹੜ ਝਨਾਂ ਹੈ ;
ਮੁਹੱਬਤ ਜਾਂ ਕਿਸੇ ਜੇਹਲਮ ਦਾ ਨਾਂ ਹੈ .
ਇਸ਼ਕ ਜਿਸਮਾਂ ਦੀ ਨਹੀਓਂ ਖੇਡ ਲੋਕੋ ;
ਇਹ ਮਨ ਸੰਗ ਮਨ ਨੂੰ ਹੀ ਮੇਲਣ ਦਾ ਨਾਂ ਹੈ .
ਕਲਾਵੇ ਆ ਨੀਂ ਸਕਦਾ ਪਸਾਰਾ ;
ਇਹ ਸਾਗਰ ਮਟਕੇ ਵਿੱਚ ਸਾਂਭਣ ਦਾ ਨਾਂ ਹੈ.
ਇਸ਼ਕ ਉਲਫਤ ਸੁਰੀਲੇ ਰਾਗ ਵਿੱਚੋਂ ;
ਵੇ ਦੀਪ! ਇੱਕ ਰਾਗ ਨੂੰ ਛੇੜਨ ਦਾ ਨਾਂ ਹੈ .
ਦੀਪ੍ਜੀਰਵੀ
No comments:
Post a Comment