ਅਜ ਫਿਰ ਜਦ ਤਨਹਾਈ ਅੰਦਰ ਤੇਰਾ ਚੇਤਾ ਆਇਆ ਸੀ |
ਕੀ ਦੱਸਾਂ ਮੈਂ ਤੇਰੇ ਬਿਨ ਕਿੱਦਾਂ ਉਹ ਵਕ਼ਤ ਲੰਘਾਇਆ ਸੀ
ਇਸ ਦਾ ਦੁੱਖ ਨਹੀਂ ਕਿ ਦਿਨ ਢਲਦੇ ਹੀ ਸਾਰੇ ਛੱਡ ਗਏ,
ਗ਼ਮ ਤਾਂ ਇਹ ਹੈ ਸ਼ਭ ਤੋਂ ਪਹਿਲਾਂ ਤੁਰਿਆ ਮੇਰਾ ਸਾਇਆ ਸੀ |
ਤੇਰੇ ਮਿੱਠੇ ਬੋਲਾਂ 'ਤੇ ਇਹ ਖੌਰੇ ਕਿੱਦਾਂ ਰੀਝ ਗਿਆ ,
ਮੈਂ ਤਾਂ ਆਪਣੇ ਪਾਗਲ ਦਿਲ ਨੂੰ ਸੌ ਵਾਰੀ ਸਮਝਾਇਆ ਸੀ |
ਗ਼ਮ ਦੀ ਧੁੱਪ 'ਚ ਸੜਦੇ ਹੋਏ ਅਹਿਸਾਸਾਂ ਦੇ ਥਲ ਉੱਤੇ ,
ਇਕ ਤੇਰਾ ਹੀ ਮੋਹ ਸੀ ਜਿਹੜਾ ਬੱਦਲ ਬਣ ਕੇ ਛਾਇਆ ਸੀ |
ਤੇਰੇ ਮੱਥੇ ਦੀ ਸਿਲਵਟ ਨੇ ਇਕ ਛਿਣ ਵਿਚ ਧੁੰਦਲਾ ਦਿੱਤਾ ,
ਵਰ੍ਹਿਆਂ ਪਿੱਛੋਂ ਦਿਲ ਦਾ ਖੰਡਰ ਰੀਝਾਂ ਨੇ ਰੁਸ਼ਨਾਇਆ ਸੀ |
ਆਪਣੀਆਂ ਲੋੜਾਂ ਦੀ ਖਾਤਰ ਤਾਂ ਸਭ ਸੂਲੀ ਚੜ੍ਹਦੇ ਨੇ ,
ਇਕ ਸੁਫ਼ਨੇ ਦੀ ਖਾਤਰ ਮਰਨਾ ਮੇਰੇ ਹਿੱਸੇ ਆਇਆ ਸੀ |
ਮੇਰੇ ਦਿਲ ਦੀ ਜ਼ਿਦ ਸੀ ਤੂਫ਼ਾਨਾਂ ਦੀ ਹਿੰਮਤ ਪਰਖਣ ਦੀ ,
ਤਾਂ ਹੀ ਮੈਂ ਦਰਿਆ ਕੰਢੇ ਰੇਤੇ ਦਾ ਮਹਿਲ ਬਣਾਇਆ ਸੀ |
ਹੱਸ ਕੇ ਗਲ ਨੂੰ ਲਾ ਲੈਂਦਾ ਸੀ ਹਾਦਸਿਆਂ ਦੀਆਂ ਲਾਟਾਂ ਜੋ,
ਲੋਕੀ ਆਖਣ ਝੱਲਾ ਪਰ ਉਹ ਚਾਨਣ ਦਾ ਤਿਰਹਾਇਆ ਸੀ
{ਸਿਰਜਣਾ ਦੇ ਪਲ ਮਿਲੇ ਨੇ, ਸਿਰਜਣਾ ਦੀ ਲੋਰ ਹੈ, ਏਹ ਦੁਨੀਆਂ ਹੋਰ ਐਪਰ ਓਹ ਜਗਤ ਕੁਝ ਹੋਰ ਹੈ। ਏਸ ਦੁਨੀਆਂ ਕੁਹਜ ਹੈੱ ਤਾਂ ਸੁਹਜ ਹੈ ਜੀ ਉਸ ਗਰਾਂ, ਏਸ ਦੁਨੀਆਂ ਤਲਖੀਆਂ ਤੇ ਸਹਿਜ ਓਥੇ ਤੋਰ ਹੈ। ਸ਼ੋਰ ਏਥੇ ਹਰ ਘੜੀ ਤਾਂ ਸੁਰ ਸਜੀਲੇ ਉਸ ਤਰਫ, ਓਸ ਨਗਰੀਂ ਵੰਝਲੀ, ਏਥੇ ਤਾਂ ਬਾਂਸੀ-ਪੋਰ ਹੈ। ਧੜਕਣਾ ਵਿੱਚ ਸੰਸਿਆਂ ਦੀ ਭੀੜ ਡਾਹਢੀ ਇਸ ਤਰਫ ਉਸ ਨਗਰ ਵਿੱਚ ਪੈਲ ਪਾਂਉਂਦੇ, ਬਾਰ੍ਹੋਂ-ਮਾਸੀਂ ਮੋਰ ਹੈ। ਇਸ ਨਗਰ ਤਾਂ ਜਾਤਾਂ ਪਾਤਾਂ ਊਚਨੀਚਾਂ ਢੇਰ ਨੇ, ਓਸ ਨਗਰੀਂ ਸਭ ਦਿਲਾਂ ਵਿੱਚ ਬਸ ਮੁਹੱਬਤ ਹ਼ੋਰ ਹੈ। deepzirvi@yahoo.co.in) -admin... saandalbaar@gmail.com
About Me
- ਦੀਪ ਜੀਰਵੀ DEEP ZIRVI
- ਜੀਰਾ-ਫਿਰੋਜਪੁਰ, ਪੰਜਾਬ-142047, India
- 9/142 ਜੀਰਾ-ਫਿਰੋਜਪੁਰ ਪੰਜਾਬ {ਭਾਰਤ} ਫੋਨ9815524600
Awesome poetry, with imaginative metaphors!Kudos.
ReplyDelete