ਪਿਛਲ -ਖੁਰੀਏ ਜਾਪੇ ਸਾਰੀ ਤੁਰ ਪਈ ਏ ਦੁਨੀਆ.

ਪਿਛਲ -ਖੁਰੀਏ ਜਾਪੇ ਸਾਰੀ ਤੁਰ ਪਈ ਏ ਦੁਨੀਆ.

ਸਤਰੋ ਸ਼ਬਦ ,ਤੇ ਸ਼ਬ੍ਦੋ ਚਾਂਗਰ ,ਹੋ ਰਈ ਏ ਦੁਨੀਆ .

ਵਣਜ -ਵਿਹਾਰੀਂ ਪੈ ਕੇ ਪੈਸੇ ਧੇਲੇ ਹੋ ਗਈ ਏ ;

ਗੋਆਂ ਪੂਰਨ ਜੋਕਰੀ ਜੀਕਰ ਹੋ ਗਈ ਏ ਦੁਨੀਆ .

ਹੁਣ ਦਰਦੀ ਹਮਦਰਦਾਂ ਦੀ ਜਿਉਂ ਇਹਨੂੰ ਲੋੜ ਨਹੀਂ ;

ਬੇ-ਹਿੱਸ ਇੱਕ ਕਲਪੁਰਜੇ ਵਰਗੀ ਹੋ ਗਈ ਏ ਦੁਨੀਆਂ .

ਮੋਹ-ਮੁਹੱਬਤ ਆਪਣੇ ਪਣ ਜਿਹੀ  ਕੋਈ ਬਾਤ ਨਹੀਂ; 

ਕਾਠ ਦੀ ਪੁਤਲੀ ਵਰਗੀ ਇਓਂ ਪਰ ਹੋ ਰਈ ਏ ਦੁਨੀਆਂ .

ਇੱਕ ਵੀ ਤੁਪਕਾ ਸੀਤਲ ,ਮਿੱਠਾ ਪਾਣੀ ਨ੍ਹੀ ਲਭਣਾ ;

ਬੇ ਅੰਤਾ ਇੱਕ ਖਾਰਾ ਸਾਗਰ ਹੋ ਰਈ ਏ ਦੁਨੀਆ .

ਦੀਪ ਜੀਰਵੀ