ਚੜਦੇ ਵੱਲ ਨੂੰ ਹੋਣ ਸਲਾਮਾ,
ਲਹਿੰਦਾ ਸੂਰਜ ਤੱਕੇ ਕੌਣ ;!?
ਮਾਰ ਕੇ ਤਾੜੀ ਹੱਸਣ ਐਪਰ
ਡਿੱਗਦੇ ਤਾਈਂ ਚੱਕੇ ਕੌਣ ?!
ਹੱਡ ਤੋੜਵੀਂ ਮਿਹਨਤ ਕਰਦੇ ਪੁੱਤਰ ਭੋੰ ਦੇ ;
ਮਰਦੇ ਫੇਰ.
ਮਿਹਨਤ ਦਾ ਮੁੱਲ ਮਿਲੇ ਜੇ ਤਾਂ ਫਿਰ ,
ਸ੍ਲ੍ਫ਼ਾਸਾਂ ਨੂੰ ਫੱਕੇ ਕੌਣ ?!
ਪੜ੍ਹ ਲਿਖ ਕੇ ਤੇ ਡਿਗਰੀਆਂ ਲੈ ਕੇ
ਜੇ ਇਲਮਾਂ ਦੀ ਕਦਰ ਪਵੇ ;
ਮਾਲ੍ਟਾ ਕਾਂਡ ਚ ਮਰਨੇ ਖਾਤਿਰ
ਚੜੇ ਏਜੇਂਟਾਂ ਧੱਕੇ ਕੌਣ ?!
ਦੇਸ ਦਾ ਖਾ ਕੇ ਗਾਵਣ ਦੇਸ ਦਾ
ਜੇ ਰਹਬਰ ਇਸ ਦੇਸ ਦੇ ਤਾਂ ;
ਡਾਲਰ, ਪੋਂਡ. ਯੂਰੋ ,ਯੂਆਨ ਦੇ
ਝੱਲੇ ਤਾਂ ਫਿਰ "ਧੱਕੇ" ਕੌਣ ?!
ਧਰਤੀ ਹੇਠਾ ਖਨਿਜ ਅਮੁੱਲੇ ,
ਸਵਾ ਅਰਬ ਆਬਾਦੀ ਵੀ ;
ਜੇਕਰ ਚੱਜ ਨਾਲ ਵਰਤ ਲਈਏ ਤਾਂ ,
ਸਾਡੇ ਵੱਲ ਫਿਰ ਤੱਕੇ ਕੌਣ ?!?!
deepzirvi9815524600
No comments:
Post a Comment