ਡਾਹਡਾ ਸੋਚ ਸਮਝ ਕੇ ਹੁਣ ਇਤਬਾਰ ਕਰੀਂ
ਘਾਟਿਆਂ ਆਲੇ ਫ਼ਿਰ ਨਾ ਕਾਰੋਬਾਰ ਕਰੀਂ
ਇਕ ਵਾਰੀ ਜੇ ਜਾਨ ਇਹਨਾਂ ਤੋਂ ਛੁੱਟ ਜਾਵੇ
ਫ਼ਿਰ ਇਹਨਾਂ ਦੇ ਨਾਲ਼ ਨਾ 'ਧਾਰ ਸੁਧਾਰ ਕਰੀਂ
ਕੋਈ ਕੋਈ ਤੋੜ ਪੁਚਾਉਣ ਵਾਲਾ ਹੁੰਦਾ ਏ
ਹਰ ਰਾਹੀ ਦੇ ਨਾਲ਼ ਨਾ ਅੱਖੀਆਂ ਚਾਰ ਕਰੀਂ
ਸੱਸੀ, ਸੋਹਣੀ, ਹੀਰ ਤੂੰ ਮੈਨੂੰ ਲਗਦੀ ਐਂ
ਅੜੀਏ ਵੇਖੀਂ ਮੂਲ ਨਾ ਸਹਿਬਾਂ ਹਾਰ ਕਰੀਂ
ਤੱਤੀ ਰੇਤ ਥਲਾਂ ਦੀ ਗਲ ਨਾਲ਼ ਲਾ ਲਈਂ ਤੂੰ
ਕੱਚੇ ਘੜੇ ਤੇ ਤਰ ਕੇ ਦਰਿਆ ਪਾਰ ਕਰੀਂ
ਮੈਂ ਤੇਰਾ ਵਾਂ ਪਰ ਇਕੋ ਤੇਰਾ ਨਹੀਂ
ਮੇਰੇ ਨਾਲ਼ ਤੋਂ ਇੰਨਾਂ ਵੀ ਨਾ ਪਿਆਰ ਕਰੀਂ
ਅੱਜ ਤੋਂ ਅਕਰਮ ਖ਼ਾਨ ਵੀ ਜੇ ਕੋਈ ਗੱਲ ਕਹਵੇ
ਮਗਰੋਂ ਨਹੀਂ ਪਹਿਲਾਂ ਸੋਚ ਵਿਚਾਰ ਕਰੀਂ
-(ਅਕਰਮ ਖ਼ਾਂ)
No comments:
Post a Comment