ਦੀਪ deepzirviਪਿੱਪਲ ਟਾਹਣੇ ਅੜਿਆ ਚੰਨ ,
ਖਵਰੇ ਕਿਸਨੇ ਫੜਿਆ ਚੰਨ .
ਜੁਲਫਾਂ ਬੱਦਲ ਚਿਹਰੇ ਤੇ ,
ਖੁਦ ਸੰਗ ਏਨਾ ਲੜਿਆ ਚੰਨ .
ਅੱਖੀਆਂ ਦੋ ਤੋਂ ਚਾਰ ਹੋਈਆਂ ;
ਆਖਣ ਸਾਰੇ ਚੜਿਆ ਚੰਨ .
ਨਾ ਕਰ ਪਰਦਾ ਸੱਜਣਾ ਵੇ ,
ਕਦ ਬੱਦਲਾਂ ਤੋਂ ਤੜਿਆ ਚੰਨ .
ਚੰਨ ਕਰੇ ਅਰਜੋਈਆਂ ਇਹ ,
ਨਾ ਕਹਿ ਸਾਨੂੰ ਅੜਿਆ ਚੰਨ .
ਮੁਖ ਤੋਂ ਪਰਦਾ ਲਾਹਿਆ ਤੂੰ ,
ਸਾਡੇ ਬਹਾਨੇ ਚੜਿਆ ਚੰਨ .
ਮੱਸਿਆ ਰਾਤੇ ਈਦ ਬਣੀ ,
ਤੇਰੇ ਮੁਖੜੇ ਪੜਿਆ ਚੰਨ .
ਸ਼ਾਹਾਂ ਕਬਜੇ ਕੀਤੇ ਸੂ ;
ਓਹਨਾਂ ਕੋਠੀ ਤੜਿਆ ਚੰਨ .
ਕੁੱਲੀ ਦੀਪ ਹੀ ਕਾਫੀ ਨੇ ;
ਸ਼ਾਹਾਂ ਆਲੀਂ ਧਰਿਆ ਚੰਨ .
nice flow,nice wording, simple nd sweet
ReplyDelete