ਦੀਪ deepzirvi
ਪਿੱਪਲ ਟਾਹਣੇ ਅੜਿਆ ਚੰਨ ,
ਖਵਰੇ ਕਿਸਨੇ ਫੜਿਆ ਚੰਨ .
ਜੁਲਫਾਂ ਬੱਦਲ ਚਿਹਰੇ ਤੇ ,
ਖੁਦ ਸੰਗ ਏਨਾ ਲੜਿਆ ਚੰਨ .
ਅੱਖੀਆਂ ਦੋ ਤੋਂ ਚਾਰ ਹੋਈਆਂ ;
ਆਖਣ ਸਾਰੇ ਚੜਿਆ ਚੰਨ .
ਨਾ ਕਰ ਪਰਦਾ ਸੱਜਣਾ ਵੇ ,
ਕਦ ਬੱਦਲਾਂ ਤੋਂ ਤੜਿਆ ਚੰਨ .
ਚੰਨ ਕਰੇ ਅਰਜੋਈਆਂ ਇਹ ,
ਨਾ ਕਹਿ ਸਾਨੂੰ ਅੜਿਆ ਚੰਨ .
ਮੁਖ ਤੋਂ ਪਰਦਾ ਲਾਹਿਆ ਤੂੰ ,
ਸਾਡੇ ਬਹਾਨੇ ਚੜਿਆ ਚੰਨ .
ਮੱਸਿਆ ਰਾਤੇ ਈਦ ਬਣੀ ,
ਤੇਰੇ ਮੁਖੜੇ ਪੜਿਆ ਚੰਨ .
ਸ਼ਾਹਾਂ ਕਬਜੇ ਕੀਤੇ ਸੂ ;
ਓਹਨਾਂ ਕੋਠੀ ਤੜਿਆ ਚੰਨ .
ਕੁੱਲੀ ਦੀਪ ਹੀ ਕਾਫੀ ਨੇ ;
ਸ਼ਾਹਾਂ ਆਲੀਂ ਧਰਿਆ ਚੰਨ .
{ਸਿਰਜਣਾ ਦੇ ਪਲ ਮਿਲੇ ਨੇ, ਸਿਰਜਣਾ ਦੀ ਲੋਰ ਹੈ, ਏਹ ਦੁਨੀਆਂ ਹੋਰ ਐਪਰ ਓਹ ਜਗਤ ਕੁਝ ਹੋਰ ਹੈ। ਏਸ ਦੁਨੀਆਂ ਕੁਹਜ ਹੈੱ ਤਾਂ ਸੁਹਜ ਹੈ ਜੀ ਉਸ ਗਰਾਂ, ਏਸ ਦੁਨੀਆਂ ਤਲਖੀਆਂ ਤੇ ਸਹਿਜ ਓਥੇ ਤੋਰ ਹੈ। ਸ਼ੋਰ ਏਥੇ ਹਰ ਘੜੀ ਤਾਂ ਸੁਰ ਸਜੀਲੇ ਉਸ ਤਰਫ, ਓਸ ਨਗਰੀਂ ਵੰਝਲੀ, ਏਥੇ ਤਾਂ ਬਾਂਸੀ-ਪੋਰ ਹੈ। ਧੜਕਣਾ ਵਿੱਚ ਸੰਸਿਆਂ ਦੀ ਭੀੜ ਡਾਹਢੀ ਇਸ ਤਰਫ ਉਸ ਨਗਰ ਵਿੱਚ ਪੈਲ ਪਾਂਉਂਦੇ, ਬਾਰ੍ਹੋਂ-ਮਾਸੀਂ ਮੋਰ ਹੈ। ਇਸ ਨਗਰ ਤਾਂ ਜਾਤਾਂ ਪਾਤਾਂ ਊਚਨੀਚਾਂ ਢੇਰ ਨੇ, ਓਸ ਨਗਰੀਂ ਸਭ ਦਿਲਾਂ ਵਿੱਚ ਬਸ ਮੁਹੱਬਤ ਹ਼ੋਰ ਹੈ। deepzirvi@yahoo.co.in) -admin... saandalbaar@gmail.com
About Me
- ਦੀਪ ਜੀਰਵੀ DEEP ZIRVI
- ਜੀਰਾ-ਫਿਰੋਜਪੁਰ, ਪੰਜਾਬ-142047, India
- 9/142 ਜੀਰਾ-ਫਿਰੋਜਪੁਰ ਪੰਜਾਬ {ਭਾਰਤ} ਫੋਨ9815524600
nice flow,nice wording, simple nd sweet
ReplyDelete